Ценовникот на услугите кои ги врши лицето лектор не може да биде стандардизиран од повеќе причини. Цената на услугите зависи и варира од нивото на чистота на текстот (тука се земаат предвид: техничката страна на отчуканиот текст, правописните правила, употребата на интерпункциските и правописните знаци, примената на лексиката т.е. речничкиот состав, синтаксичкото градење и стилското изразување). Понатаму во одредување на цената влијае и стручноста на текстот (областа во која се пишува), како и временскиот рок во кој треба да биде извршена лектурата.
Како мерлива единица за секој текст се зема страница од А4 формат, испишана во Office-програмите (Word-документ). За оптимално време на лекторирање се смета 15-20 страници дневно.
Сите други подробности се прецизираат и усогласуваат во заеднички договор помеѓу лекторот и клиентот (авторот или издавачот на текстот).